Sertifikatlashtirish bo'yicha organ xizmatlari:
“Kiberxavfsizlik Markazi” DUK qoshidagi dasturiy mahsulotlarni sertifikatlashtirish Organi (“Oʼzstandart” agentligida roʼyxatdan oʼtganligining OꞌZAK.MS.0004-son Guvohnomasi) har turdagi dasturiy mahsulotlar, shu jumladan:
- energiya va tabiiy resurslar (elektr, issiqlik, gaz, neft va neft mahsulotlari, suv) avtomatlashtirilgan hisobga olish va boshqarish tizimlarning dasturiy taʼminoti;
- texnik, axborot, yongʼin, radiatsiya va ekologik xavfsizlikni taʼminlash tizimlari; telekommunikatsiya tarmoqlari, texnologik jarayonlar, asboblar, uskunalar, moslamalar, dastgoh asboblari va sanoat robotlarini avtomatlashtirilgan boshqarish tizimlari uchun dasturiy vositalar;
- axborotni muhofaza qilish va tiklash uchun dasturiy vositalar;
- oʼyin avtomatlari, birja uskunalari, virtual oʼyinlar, toʼlov terminallari, savdo uskunalari va shu kabi dasturiy taʼminotlarni xalqaro va milliy standartlar talablari asosida sertifikatlashtirish ishlarini oʼtkazish boʼyicha yuqori sifatli xizmatlarni taqdim etadi.
Dasturiy mahsulotlarni sertifikatlash tizimining ishtirokchilari sifatida quyidagilar qatnashadi:
- sertifikatlashtirish organi;
- sertifikatlash sinovlarini ishlarini oʼtkazadigan akkreditatsiyadan oʼtgan sinov laboratoriyasi;
- ariza beruvchilar - dasturiy mahsulotlar ishlab chiqaruvchilari, yetkazib beruvchilari va foydalanuvchilari.
Dasturiy mahsulotlarni sertifikatlash ishlari uchun toʼlov ularning natijalaridan qatʼiy nazar, talabnoma beruvchi tomonidan qonunchilikda belgilangan tartibda amalga oshiriladi. Shu bilan birga, sertifikatlash ishlari oldindan toʼlov asosida amalga oshiriladi.
Аrizachilar sertifikatlash Shartnoma shartlari, shuningdek taqdim etilayotgan axborotlarining maxfiyligini taʼminlashga oid Maxfiylik Toʼgʼrisidagi kelishuv namunalari bilan ushbu havola orqali tanishish mumkin.
Sertifikatlashtirish jarayoni quyidagi asosiy bosqichlarni o'z ichiga oladi:- ariza beruvchi tomonidan sertifikatlashni oʼtkazish uchun ariza taqdim etish;Аriza yuzasidan qaror qabul qilish;
- identifikatsiya qilish va namunalar tanlab olish;
- sertifikatlash sinov dasturlarini ishlab chiqish va tasdiqlash;
- sertifikatlash sinovlarini oʼtkazish;
- dasturni ishlab chiqish, tasdiqlash va dasturiy mahsulotlarni ishlab chiqarish holatini tekshirish;
- olingan sertifikatlash sinovlari natijalarini tahlil qilish, ishlab chiqarish holatini tekshirish (bular sertifikatlash sxemasida nazarda tutilgan boʼlsa), muvofiqlik sertifikatini berish yoki berilishini rad etish toʼgʼrisida xulosa etish;
- muvofiqlik sertifikatini rasmiylashtirish, muvofiqlik sertifikatidan foydalanish va muvofiqlikni tasdiqlash belgisidan foydalanish huquqini berish toʼgʼrisida (bu sertifikatlash sxemasida nazarda tutilgan boʼlsa) shartnoma tuzish;
- muvofiqlik sertifikatlarini Oʼzbekiston Respublikasi Milliy sertifikatlashtirish tizimining Davlat reestrida roʼyxatdan oʼtkazish.
Sertifikatlash mobaynida tekshiriladigan koʼrsatkichlar nomenklaturasi har bir aniq holatda sertifikatlashtirish organi tomonidan undagi mavjud qoʼshimcha hujjatlar (boshqaruv tizimi yoki ishlab chiqarish uchun sertifikat, vakolatli tashkilotlarning sinov hisobotlari, yetkazib beruvchining texnik hujjatlari va boshqalar)ni hisobga olgan holda belgilanadi.
Аriza beruvchi yoki uning vakilini iltimosiga binoan sinov laboratoriyasida sinov sharoitlari bilan tanishish imkoniyati taqdim etiladi. Аriza beruvchi oʼz mahsulotlarini sinovdan jarayonida qatnashish huquqiga ega. Bunda sinov laboratoriyasida maxfiylikni taʼminlash boʼyicha choralar koʼriladi.
Sinov natijalari salbiy boʼlgan taqdirda, shuningdek hujjatlar toʼplami toʼliq taqdim etilmagan boʼlsa, sertifikatlashtirish organi talabnoma beruvchiga muayyan qonunchilik normalarini koʼrsatgan holda muvofiqlik sertifikati berilishini rad etish toʼgʼrisidagi xulosani beradi.
Boshqa kerakli hujjatlarni bu havola orqali topishingiz mumkin: Hujjatlar.
Sertifikatlash bo'yicha ko'p beriladigan savollar yuzasidan javoblarga bu havolada berilgan.