Xalqimiz azal-azaldan bayramlarni, qutlugʻ kunlarni oʻzgacha tayyorgarlik bilan qarshilaydi. Avvalo, koʻcha va guzarlarni, xonadon va hovlilarni tartibga keltirib, tozalik va orastalikni bosh masala qilib belgilaydi. Kun sayin yaqinlashayotgan ulugʻ ayyom – Navroʻzi olam arafasida xalqimizning ana shu ezgu anʼanasi umumxalq hashari koʻrinishida butun Pespublikamiz boʻylab uyushqoqlik bilan oʻtkazilmoqda.
Bugun 16 mart kuni Markazimizning butun jamoasi xam ana shunday ezgu anʼanaga sodiq qolgan holda hasharga otlandi. Xususan, hashar kunida ariq va zovurlar tozalandi, chiqindilar tashkiliy ravishda chiqarib tashlandi, daraxtlarga shakl berildi, yer chopildi, koʻcha asfaltlari tekislandi bir soʻz bilan aytganda obodonlashtirish va koʻkalamzorlashtirish ishlari olib borildi.
Jamoadoshlarimizning hashar kunlarida bir oila farzandlariday boʻlib, hamjihatlikda qilgan mehnatlari tufayli umumiy uyimiz - Markazimiz binosi oʻzgacha chiroy kasb etdi, hashar bayram tusini oldi.
