Ushbu tadbirda MDH davlatlari XEI bilan hamkorlikda amalga oshirilayotgan loyihalar, XEI global loyihalarida ishtirok etish, Butunjahon telekommunikatsiyalarni rivojlantirish konferensiyasi (WTDC-2017) mintaqaviy tashabbuslari doirasida erishilgan natijalar, shuningdek WTDC 2022 da qabul qilingan yangi Mintaqaviy tashabbuslar haqida ma’lumot almashishdi.
“Kiberxavfsizlik markazi” DUK tomonidan Markaz faoliyati, O‘zbekistonda axborot xavfsizligi va kiberxavfsizlikni, jumladan, shaxsiy ma’lumotlarni himoya qilish bo‘yicha ko‘rilayotgan chora-tadbirlar, shuningdek, Markazning XEI bilan hamkorlikda o‘tkazayotgan turli tadbirlari to‘g‘risidagi hisobot taqdim etildi.
Iqtisodiyot va ijtimoiy sohani raqamlashtirish yo‘lidan o‘tgan O‘zbekiston uchun axborot va kiberxavfsizlik masalalari eng ustuvor vazifa hisoblanadi.
Mintaqaviy forumda axborot makonidagi xavfsizlik tahdidlari va tahdidlarining transchegaraviy tabiati ikki tomonlama, mintaqaviy darajada birgalikdagi harakatlarni, shuningdek, axborot va kiberxavfsizlikni ta’minlash bo‘yicha kelishilgan loyihalarni amalga oshirishni taqozo etishi qayd etildi.
