Tashrif buyurishidan asosiy maqsad – AKT sohasi xodimlari tomonidan Olmaliq kon-metallurgiya kombinatiga yordam berish va raqamlashtirish sohasida hamkorlikni yanada oshirishdan iborat.
AKT vaziri Sh. Shermatov boshchiligidagi ishchi guruh tomonidan Olmaliq kon-metallurgiya kombinatida axborot texnologiyalari va raqamlashtirishni rivojlantirish borasida qilinayotgan ishlar bilan yaqindan tanishilib, ularni yanada samaraliroq amalga oshirishda o‘zaro hamkorlik vazifalari belgilab olindi.
Ishchi guruhning navbatdagi manzili Mis boyitish fabrikasi bo‘ldi.
Shundan so‘ng, Axborot texnologiyalari va kommunikatsiyalarini rivojlantirish vaziri Sh. Shermatov, Axborotlashtirish va telekommunikatsiyalar sohasida nazorat bo‘yicha davlat inspeksiyasi boshlig'i A. Abdullayev, Kiberxavsizlik markazi direktori O. Mirzayev hamda OKMK rahbariyati o‘rtasida uchrashuv tashkil etildi.
O‘z navbatida, Olmaliq kon-metallurgiya kombinati ochiq kon va yer osti ma’danlarini qazib olishda, shuningdek, oltin saralash fabrikalari, metallurgiya zavodlari, yirik energiya va transport tizimlari, rivojlangan infratuzilma va ijtimoiy soha obyektlarida iqtisodiy raqamlashtirishning o‘rnini yanada yaxshilashga kelishib olindi.
