Shu yilning 13-mart kuni Oʻzbekiston Respublikasi Axborotlashtirish va telekommunikatsiyalar sohasida nazorat boʻyicha davlat inspeksiyasi binosida “ davlat va xoʻjalik boshqaruvi organlarida axborot xavfsizligini taʼminlash masalalari” xususida Oʻzbekiston Respublikasi milliy gvardiyasining masʼul xodimlari ishtirokida seminar boʻlib oʻtdi.
Boʻlib oʻtgan seminarda “Texnik koʻmaklashish markazi” DUK xodimlari, jumladan : Abdullayev Azamat Yusuf oʻgʻli, Abdusalyamov Farxod Olimjonovich, Ergashev Izzatilla Xarullo oʻgʻli va Rahimov Muhammad Abdurahmon oʻgʻli kabi yetakchi mutaxassislar oʻz maʼruzalari bilan ishtirok etishdi.
Tadbirda “Axborot xavfsizligini taʼminlashda inson omilining roli”, “Axborot xavfsizligini taʼminlashdagi normativ-huquqiy hujjatlar”, “Axborot xavfsizligiga tahdidlar va ularni bartaraf etish yoʻllari” mavzulari koʻtarildi.
Seminar davomida milliy gvardiya xodimlari xam aktiv qatnashishdi, ular davlat va xoʻjalik boshqaruvi organlarida foydalanayotgan antivirus dasturlarining turlari va xususiyatlari bilan bogʻliq boʻlgan savollariga javoblar oldilar. “Texnik koʻmaklashish markazi” DUK mutaxassislari milliy gvardiya xodimlarining qiziqtirgan boshqa qiziqtirgan masala va savollariga ham batafsil maʼlumot hamda tavsiyalar berib oʻtishdi.
