2019 yil 14-may kuni Andijon axborot texnologiyalari kasb-hunar kollejida Oʻzbekiston Respublikasi Axborotlashtirish va telekommunikatsiyalar sohasida nazorat boʻyicha Davlat inspeksiyasi hamda “Texnik koʻmaklashish markazi” DUK mutaxassislari tomonidan viloyatdagi davlat va xoʻjalik organlari, mahalliy boshqaruv organlarining axborot kommunikatsiya texnologiyalari, axborot xavfsizligi yoʻnalishida faoliyat olib borayotgan xodimlar uchun oʻquv seminari oʻtkazildi.
Seminarda “Texnik koʻmaklashish markazi” DUK xodimlari M. Rahimov – “Axborot xavfsizligini taʼminlashning asosiy talablari” va T. Xashimov – “Axborot xavfsizligini taʼminlashdagi muammolar va ularning yechimlari” mavzularida tayyorlagan maʼruzalar asosida maʼlumotlar berdi.
Tadbir yakunida ishtirokchilarni qiziqtirgan savollarga Davlat inspeksiyasi va “Texnik koʻmaklashish markazi” DUK xodimlari tomonidan javoblar berildi.
