Soxta “Tayyor biznes”, “Startup sotamiz” kabi loyihalar orqali firibgarlar tuzog‘iga tushib qolmang!
So‘nggi kunlarda firibgarlar foydalanuvchilarga “Tayyor startup”, “Tez kunda milliardlik loyiha” kabi nomlar ostida soxta havolalar yuborib, ularni “sarmoya kiritish” yoki “hamkor bo‘lish” taklifi bilan aldamoqda.
Ushbu havolalar orqali foydalanuvchilardan shaxsiy ma’lumotlar, bank karta rekvizitlari yoki “tasdiqlash kodi” so‘ralmoqda. Natijada esa ularning Telegram akkauntlariga ruxsatsiz kirish, bank hisobidan mablag‘ yechib olish yoki kontaktlar ro‘yxatiga firibgarlik xabarlari yuborish holatlari kuzatilmoqda.
Eslatma
Shubhali havolalarga kirmang.
Hech kimga tasdiqlash kodini bermang.
Ikki bosqichli himoyani yoqing.
“Tez boyish” va’dalariga ishonmang.