Joriy yilning 12-sentyabr kuni “Kiberxavfsizlik markazi” mutaxassislari Raqamli texnologiyalar vazirligining Jizzax viloyati boshqarmasi hamda viloyat hokimligi mutasaddilari bilan hamkorlikda kiberxavfsizlik sohasida yoshlarning bilim va malakasini oshirish, dunyoda yuz berayotgan tendensiyalarni muhokama qilish yuzasidan onlayn seminar tashkil etildi.
Mazkur seminarda “Kiberxavfsizlik markazi”ning yuqori malakali ekspertlar Jizzax Politexnika universiteti, O‘zbekiston Milliy Universiteti Jizzax filiali hamda Sambhram universiteti talabalari bilan o‘zlarining tajriba va ko‘nikmalarini o‘rtoqlashdi.
Tadbir so‘nggida soha mutaxassislari tomonidan talabalarni qiziqtirgan barcha savollarga batafsil javob berildi.