Davlat tashkilotlarining AKT boʼlinmalari rahbarlari bilan uchrashuv tashkil etildi.
Joriy yilning 31 mayida Davlat tashkilotlarining AKTni joriy qilish va rivojlantirishga masʼul boʼlinmalari ish faoliyati samaradorligini oshirish hamda ushbu masalalarda oʼzaro hamkorlikni rivojlantirish maqsadida O'zbekiston Respublikasi axborot texnologiyalari va kommunikatsiyalarini rivojlantirish vazirligi, Elektron hukumat loyihalarini boshqarish markazi, Kiberxavfsizlik markazi hamda “Oʼzkomnazorat” davlat inspektsiyasi hamkorligida davlat tashkilotlarining akt boʼlinmalari rahbarlari bilan uchrashuv oʼtkazildi.
Uchrashuv norasmiy shaklda tashkillashtirilib, davlat tashkilotlarining akt boʼlinmalari rahbarlari bilan aloqalarni mustahkamlash hamda ularning takliflarini olish, mavjud muammolarni bartaraf qilish boʼyicha hamkorlikda ishlash kabi masalalar boʼyicha fikr va mulohazalar almashildi.
Xususan, Davlat tashkilotlarining akt boʼlinmalari rahbarlari va mutaxassislariga “Raqamli Oʼzbekiston – 2030” doirasida amalga oshirilayotgan loyihalar holati, Davlat organlarida oʼtkazilayotgan oʼrganishlarda uchrayotgan asosiy muammo va kamchiliklar hamda ularni oldini olish, Davlat organlarida axborot va kiberxavfsizlikni taʼminlashda yoʼl qoʼyiladigan kamchiliklar va ularni bartaraf etish, shuningdek Ochiq maʼlumotlar portali maʼlumotlarini shakllantirish kabi mavzluarda ochiq muloqot tarzida taklif va tavsiyalar berib oʼtildi. Uchrashuv yuqoridagi mavzularga doir oʼrinli va qiziqarli savol javoblar bilan yakunlandi.