O‘zbekiston Respublikasi O‘zbekiston xalqaro islom akademiyasi tomonidan 2022-yilning 20-may kuni “Axborot xavfsizligi sohasida raqamlashtirish muammolari va istiqbollari” mavzusida respublika ilmiy-amaliy konferensiya o‘tkazildi.
Konferensiyada Rossiya Federatsiyasi hukumati huzuridagi Moliya universiteti va Yangi O‘zbekiston universiteti professor o’qituvchilari shuningdek Kibrxavfsizlik markazi mutaxassislari o‘z ma’ruzalari bilan ishtirok etishdi.
Onlayn va offlayn shaklda o‘tkaziladigan mazkur tadbirda Axborot xavfsizligi sohasida raqamlashtirish muammolari va istiqbollari, Kibermakonda axborot xavfsizligini ta’minlashda kibergigienaning o‘rni qiyosiy-huquqiy jihatdan tahlil qilindi.
Konferensiyada Markazimizning Chora ko’rish bo'limi yetakchi mutaxassisi A.Mamanazarov Turli xakerlik hujumlardan veb-sayt va veb-ilovalarning xavfsizligini ta'minlash mavzusida so’zga chiqib veb-sayt va veb-ilovalarning xavfsizligini ta'minlash bugungi kunda dolzarb muammo ekanligini ta’kidladi.
