Joriy yilning 8-may kuni Toshkent shahridagi IT-park majmuasi hududida joylashgan Vazirlikning yangi binosida 7 may – Aloqachilar kuni munosabati bilan, raqamlashtirish, axborot texnologiyalari va kommunikatsiyalari sohasining yuqori darajada yuksalishi hamda ravnaqi yo‘lida faoliyat yuritayotgan, sohaning rivojlanishiga o‘zlarining salmoqli hissalarini qo‘shib kelayotgan bir guruh soha xodimlarini taqdirlash tadbiri bo‘lib o‘tdi.
Tadbirda Vazirlik markaziy apparati boshqarma, bo‘lim va hududiy bo‘linmalari boshliqlari, vazirlik tizimidagi agentlik, inspeksiya, aksiyadorlik kompaniyalari, jamiyatlari, korxona, tashkilot va muassasalar rahbarlari, “UNICON SOFT” MChJ, “Kiberxavfsizlik markazi” DUK, “Xavfsiz shahar” jamoat tartibiga ko‘maklashish markazi” DM, Axborot-kommunikatsiya texnologiyalari va aloqa harbiy instituti hamda O‘zbekiston Respublikasi Mudofaa vazirligining tegishli mutasaddilari hamda Vazirlikning 2023-yil 4-maydagi 125-son buyrug‘iga muvofiq taqdirlangan soha xodimlari ishtriok etdilar.
“Kiberxavfsizlik markazi” DUK xodimlaridan Ekspertiza departamenti Texnik topshiriqlar ekspertizasi bo‘limi yetakchi mutaxassisi Abdug‘aniyev Abdulaziz Ulug‘bek o‘g‘li va UZCERT departamenti Chora ko‘rish bo‘limi yetakchi mutaxassisi Xasanboyev Sanjar Xabibullayevich nomzodlari “O‘z kasbining ustasi” belgisi bilan taqdirlandilar!
