Avtomatizatsiya yo`qligi xavfsizlik sohasining asosiy muammosi bo`lib qolmoqda

Kiberxavfsizlik bo'limlari rahbarlari kiber muhitni avtomatlashtirish va vizual nazoratning etishmasligidan shikoyat qilmoqdalar.

Aksariyat kompaniyalarda kiberxavfsizlik bo'limlari uchun asosiy muammo kiber muhitni avtomatlashtirish va vizual nazoratning zarur darajasining yo'qligidir. Bu haqda Fidelis Cybersecurity axborot xavfsizligi kompaniyasining yillik tahdidlarni aniqlash to'g'risidagi hisobotida ma'lum qilindi.

Avtomatlashtirilgan ma'lumotlarni yig'ish mexanizmining yo'qligi, xavfsizlik intsidentlarini kontekstual tushunish va tarmoq ichida yashirinishi mumkin bo'lgan tahdidlarni vizual boshqarish, tashkilotning kiberhujum qurboniga aylanish xavfini sezilarli darajada oshiradi va o'z xavfsizligiga bo'lgan ishonchini pasaytiradi.

Tadqiqot davomida Fidelis Cybersecurity ekspertlari 300 ta IT-mutaxassislari (texnik direktorlar, xavfsizlik bo'yicha direktorlar, axborot texnologiyalari bo'yicha direktorlar, muhandislar va tahlilchilar) bilan moliya va hukumat sektorlari, sog'liqni saqlash va ijtimoiy xizmat sohasidagi tashkilotlarda suhbatlashdilar.

57,43% respondentlarning fikriga ko'ra, ularning tashkilotlarida avtomatlashtirishning yo'qligi tobora ko'proq sezilmoqda va bu muammoni hal qilish ustuvor vazifa hisoblanadi. Respondentlarning 53,39 foizi vizual nazoratni amalga oshirishning iloji yo'qligidan shikoyat qiladilar.

Tadqiqot shuni ko'rsatadiki, aksariyat tashkilotlar o'zlarining tarmoqlariga doimiy ravishda yangi echimlar va ulangan qurilmalarni qo'shadilar. Trafik tobora ko'payib bormoqda va mahsulotlarning maksimal integratsion imkoniyatlari haqida hech qanday tushuncha yo'q. Odatda yangi qurilmalar o'z-o'zidan qo'shilib borilaveradi ishchilarni o'qitish va funktsional imkoniyatlarni to'liq o'rganish uchun esa vaqt yo'q. Natijada, korxonaning xavfsizligida jiddiy bo'shqotirmalar paydo bo'ladi, qurilmalar "to'liq ishlatilmayapdi".

Manbaa: https://www.securitylab.ru/news/500340.php