Kiberxavfsizlik klubi
Kiberxavfsizlik klubi faoliyati to’g’risida
MA`LUMOTNOMA
O‘zbekiston Respublikasi Prezidentining 2020-yil 15-iyundagi PQ-4751-sonli qarori bilan tasdiqlangan “2020-2023-yillarga mo‘ljallangan O‘zbekiston Respublikasining kiberxavfsizlik tizimini takomillashtirish bo‘yicha amaliy harakatlar rejasi”ning (“Yo‘l xaritasi”) 32 bandi ijrosini taʼminlash hamda yoshlarning kiberxavfsizlik sohasida bilim darajasini oshirish, global tendensiyalarni o‘rganish va yangi tashabbuslarni shakllantirish uchun, shuningdek, milliy kibermakonda xavfsizlikni taʼminlashda faol fuqarolik jamiyatini jalb etish maqsadida, Markaz binosida “Kiberxavfsizlik klubi” tashkil etilgan.
Klub axborot texnologiyalari foydalanuvchilarining kiberxavfsizligi sohasida taʼlim darajasini oshirish orqali hal qilinishi mumkin boʼlgan muhim muammolarning yechimining yangi usullarini topish.
- tushunchalarni shakllantirish, asosiy texnika va kibergigiena qoidalarini taqsimlash funksiyalari va sohalarini aniqlash;
- UZ domenida joylashgan veb saytlarning zaifliklarini aniqlash va bartaraf etish boʼyicha oʼquv qoʼllanmalar yaratish.
- Axborot tizimlarining zaifliklarini aniqlash va ularni bartaraf qilish usullarini oʼrganish.
- Kiberxavfsizlik boʼyicha axborot materiallarini ishlab chiqish, chop etish va tarqatish kabi vazifalarni bajaradi.
Klubga a`zo bo`lishni xoxlagan fuqarolar uchun yosh chegarasi belgilanmagan, faqatgina ulardan “Kiberxavfsizlik markazi” ning mutaxasislari bilan suxbatdan o`tib, test savollariga javob berish va Klubga a`zo bo`lish uchun ariza to`ldirish talab qilinadi.
Ma`lumot uchun Kiberxavfsizlik Klubi a`zolari Raxmatullayev Azizbek, Yergashvoyev Jamshid, Turg‘unov Shahzod, Rabbimov Quvonchbek va Gofurjonov Jasurbeklar Azarbayjon davlatining Boku shaxrida bo`lib o`tgan “Cyber Summer School – 2023”da ishtirok etish uchun yuborilgan edi. Tadbir so‘nggida yozgi maktab ishtirokchilari o‘rtasida bilimlar bellashuvi (CTF) o‘tkazildi. Musobaqa yakuniga ko‘ra, yoshlarimiz ilk bor ishtirok etishiga qaramasdan 6 mamlakatdan (Ozarbayjon, Isroil, Turkiyadan, Qozog‘iston, O‘zbekiston, Qirg‘iziston) jami 125 nafar ishtirokchi ichida faxrli birinchi o‘rinni egallab ona vatanimizga qaytib kelishdi.
Kiberxavfsizlik sohasiga qiziquvchi yoshlarni “Kiberxavfsizlik klubi” ga qabul qilish bosqichlari:
1. Telegram bot yoki veb-sayt orqali test sinovlari
2. Kiberxavfsizlik Markazida mas’ul hodimlari orqali o’tkaziladigan suhbat
3. “CTF” bilimlar bellashuvi
Yuqorida keltirilgan bosqichlardan muvaffaqiyatli o’tgan yoshlar “Kiberxavfsizlik klubi” ga qabul qilinadi