AKT va axborotni muhofazalash vositalarini sertifikatlashtirish organining xizmatlari
“Kiberxavfsizlik Markazi” DUK qoshidagi Axborot -kommunikatsiya texnologiyalari va axborotni muhofazalash vositalarini sertifikatlashtirish Organi (OꞌZAK.MS.0004-son Guvohnomasi) apparat-dasturiy va dasturiy axborotni muhofazalash vositalarini, shu jumladan:
- Dasturiy mahsulotlar
- Umumtizimli dasturiy vositalar va operatsion tizimlarni o’z ichiga olmaydigan Avtomatlashtirilgan tizimlar.
- Axborot-kommunikatsiya texnologiyalari va axborotlashtirish texnik vositalarining apparat-dasturiy vositalari dasturiy ta'minoti
- Axborotni himoya qilish va ma'lumotlarni tiklash uchun dasturiy ta'minot (shu jumladan, tarmoqlararo ekrani funktsiyalarini bajaradiganlardan tashqari, konfidensial ma'lumotlarning sizib chiqishining oldini olish va zararli dasturlardan himoya qilish).
- Tarmoqlararo ekran va texnik vositalarning vazifasini bajaruvchi, tarmoqlararo ekranlarning dasturiy ta’minoti
Аriza beruvchi sertifikatlash Shartnoma shartlari, shuningdek taqdim etilayotgan axborotlarining maxfiyligini taʼminlashga oid Maxfiylik Toʼgʼrisidagi kelishuv namunalari bilan ushbu havola orqali tanishish mumkin.
Sertifikatlashtirish jarayoni quyidagi asosiy bosqichlarni o'z ichiga oladi
· ariza beruvchi tomonidan sertifikatlashni oʼtkazish uchun ariza taqdim etish;Аriza yuzasidan qaror qabul qilish;
· identifikatsiya qilish va namunalar tanlab olish;
· sertifikatlash sinov dasturlarini ishlab chiqish va tasdiqlash;
· sertifikatlash sinovlarini oʼtkazish;
· dasturiy mahsulotlarni ishlab chiqarish holatini tekshirish dasturni ishlab chiqish, tasdiqlash va dasturiy mahsulotlarni ishlab chiqarish holatini tekshirish;
· olingan sertifikatlash sinovlari natijalarini tahlil qilish, ishlab chiqarish holatini tekshirish (bular sertifikatlash sxemasida nazarda tutilgan boʼlsa), muvofiqlik sertifikatini berish yoki berilishini rad etish toʼgʼrisida xulosa etish;
· muvofiqlik sertifikatini rasmiylashtirish, muvofiqlik sertifikatidan foydalanish va muvofiqlikni tasdiqlash belgisidan foydalanish huquqini berish toʼgʼrisida (bu sertifikatlash sxemasida nazarda tutilgan boʼlsa) kelishuv tuzish;
· muvofiqlik sertifikatlarini Oʼzbekiston texnik jihatdan tartibga solish agentligi davlat reestrida roʼyxatdan oʼtkazish.
Аriza beruvchi yoki uning vakilini talabiga binoan sinov laboratoriyasida sinov sharoitlari bilan tanishish imkoniyati taqdim etiladi. Аriza beruvchi oʼz mahsulotlarini sinovdan jarayonida qatnashish huquqiga ega. Bunda sinov laboratoriyasida konfedensiallikni taʼminlash boʼyicha choralar koʼriladi.
Sinov natijalari salbiy boʼlgan taqdirda, shuningdek hujjatlar toʼplami toʼliq taqdim etilmagan boʼlsa, sertifikatlashtirish organi ariza beruvchiga muayyan qonunchilik normalarini koʼrsatgan holda muvofiqlik sertifikati berilishini rad etish toʼgʼrisidagi xulosani beradi.
Sertifikatsiya o‘tkazish tartibi bo‘yicha umumiy qoidalar, shuningdek, shikoyat va appelyatsiyalarni ko‘rib chiqish “Nizom”ga muvofiq amalga oshiriladi. https://www.lex.uz/uz/docs/-7223533
Boshqa kerakli hujjatlarni bu havola orqali topishingiz mumkin: Hujjatlar.
Kiberxavfsizlik talablari bo‘yicha sertifikatlash uchun belgilangan to‘lovlar haqida umumiy maʼlumot
Amaldagi qonunchilikka muvofiq, sertifikatlashtirish ishlari shartnomaga asosan amalga oshiriladi.
Sertifikatlashtirish sxemalari 1, 2 va 4 bo‘yicha to‘lov qiymati sertifikatlashtirish ishlarini va sinov ishlarini o‘tkazish uchun hisoblangan ish hajmidan kelib chiqib shakllantiriladi.
Sertifikatlashtirish sinov ishlari hajmini hisoblash uchun quyidagi maʼlumotlarni taqdim etilish lozim:
- tarmoqlararo ekranning portlari soni;
- dasturiy taʼminotning manba kod fayllari soni;
- dasturiy taʼminot manba kodining umumiy qatorlari soni.
AKT /AMV sertifikatlashning o‘ziga xos xususiyatlarini inobatga olib, sertifikatlashtirish sinovlari narxi, bitta ariza bo‘yicha taqdim etilgan bir xil namuna AKT /AMV soniga bog‘liq emas.
Taqdim etilgan maʼlumotlar asosida AKT /AMV sertifikatlashtirish sinovlarini o‘tkazish uchun ish hajmi sertifikatlashtirishga tegishli meʼyoriy hujjat talablari va sinov ishlarining hajmini hisobga olingan holda hisoblanadi va belgilangan tariflarga muvofiq ish narxi aniqlanadi.
Agar AKT /AMV sertifikatlashtirish organi yoki sinov laboratoriyasi mutaxassislari Toshkent shahridan tashqarida sertifikatlash ishlarini o‘tkazish zarur bo‘lsa, sertifikatlashtirish ishlari qiymatiga tegishli transport va xizmat safari xarajatlari ham kiritiladi.
3-sxema bo‘yicha sertifikatlashtirish ishlari qiymatini hisoblashda qo‘shimcha ravishda seriyali ishlab chiqarilgan AKT /AMV ishlab chiqarish holatini baholashni o‘tkazish ish hajmi (zarur hollarda, transport va xizmat safari xarajatlarini o‘z ichiga olgan holda), ularni davriy baholash xarajatlari, hamda qonunchilikda belgilangan miqdordagi muvofiqlik belgisidan foydalanish uchun bir martalik to‘lov hisobga olinadi.