Joriy yilning 15 mart kuni 2019-2020 yillarda xavfsizlik sohasida Oʻzbekiston va Qozogʻiston Respublikalari oʻrtasidagi hamkorlikni rivojlantirish boʻyicha yoʻl xaritasini amalga oshirish ”Texnik koʻmaklashish markazi” (keyingi oʻrinda Markaz) DUK rahbariyati tomonidan tashkil etilgan Qozogʻiston Respublikasining raqamli taraqqiyot, mudofaa va aviakosmik sanoatni rivojlantirish vazirligining axborot xavfsizligi boʻyicha qoʻmita vakili bilan uchrashuv boʻlib oʻtdi.
Uchrashuvda Markaz tomonidan direktorning birinchi oʻrinbosari O.Mirzayev xamda tegishli boshqarma boshliqlari A.Gafurov va B.Moʻminovlar, qoʻmita tomonidan axborot-kommunikatsiya infratuzilmasining muhim yubyektlarini monitoring qilish boʻlimi boshligʻi T.Mustagulov ishtirok etishdi.
Boʻlib oʻtgan tadbirda ikki tomon oʻrtasidagi hamkorlikning yoʻnalishlarini aniqlash, SOC-markazlari (CERT/CSIRT-xizmati)ni tashkil etish, axborot xavfsizligi tahdidlarini monitoring qilish mexanizmlari, axborot xavfsizligining autsorsing xizmatlarini koʻrsatish va boshqa masalalar xususida kelishib olindi.
Uchrashuv yakunida tomonlar kelajakda bu hamkorlikni rivojlantirish va mustahkamlash, Oʻzbekiston respublikasi hamda Qozogʻiston respublikasida axborot xavfsizligini taʼminlash sohasida bajariladigan ishlar xususida kelishib olindi.
