Moliyaviy xavfsizlik boʼyicha Xalqaro olimpiada

Moliyaviy xavfsizlik boʼyicha Xalqaro olimpiada Rossiya Federatsiyasining Moliyaviy monitoring federal xizmati (Rosfinmonitoring) tashabbusi bilan, Mustaqil Davlatlar Hamdoʼstligida (MDH) moliyaviy xavfsizlik sohasida yagona taʼlim makonini yaratish, bolalar va yoshlarning axborot, moliyaviy va huquqiy savodxonligi oshirish, kasbiy mahoratini kuchaytirish hamda ularni kasbga yoʼnaltirish, ilmiy bilimlarni rivojlantirish maqsadida oʼtkaziladi.
Tanlov koordinatori - Moliyaviy monitoring boʼyicha xalqaro oʼquv-uslubiy markaz (MDHga aʼzo davlatlarning jinoiy faoliyatdan olingan daromadlarni legallashtirishga va terrorizmni moliyalashtirishga qarshi kurashish boʼyicha - davlat tayanch tashkiloti) hisoblanadi.
Olimpiada tashkilotchilari - Oʼzbekiston Respublikasi Bosh prokuraturasi huzuridagi iqtisodiy jinoyatlarga qarshi kurashish departamenti, Oʼzbekiston Respublikasi Oliy va oʼrta maxsus taʼlim vazirligi huzuridagi Oliy va oʼrta maxsus kasb-hunar taʼlimini rivojlantirish markazi hamda Jinoiy daromadlarni legallashtirish/terrorizmni moliyalashtirishga qarshi kurash (JDL/TMQK) sohasidagi Xalqaro institutlar tarmogʼining Oʼzbekiston Respublikasidagi ishtirokchi universitetlari hisoblanadi.
Olimpiadada Belarus Respublikasi, Qozogʼiston, Qirgʼiziston, Rossiya Federatsiyasi, Tojikiston, Oʼzbekiston, Turkmaniston (MDH mamlakatlari moliyaviy razvedka boʼlinmalari rahbarlari Kengashini tuzish toʼgʼrisidagi bitimga aʼzo davlatlar) davlatlari talabalari ishtirok etmoqda.
Olimpiada JDL/TMQK va moliyaviy xavfsizlik yoʼnalishlari boʼyicha mutaxasssislarni tayyorlash maqsadida oʼtkaziladi, jumladan:
- iqtisodiyot, moliya va kredit, iqtisodiy xavfsizlik;
- qonunchilik;
- axborot xavfsizligi;
- xalqaro munosabatlar.
Olimpiadada JDL/TMQK Xalqaro institutlar tarmogʼining ishtirokchi universitetlarida joriy yilning iyun oyida boʼlib oʼtgan saralash bosqichi gʼoliblari ishtirok etmoqda.
Olimpiada yoshlarning umumiy maʼlumoti, moliyaviy va huquqiy savodxonligi, kasb-hunarga yoʼnaltirilishini ragʼbatlantirishga qaratilgan. Olimpiada moliyaviy va axborot xavfsizligi sohalarida chuqur bilim, koʼnikma va malakalarga ega boʼlgan iqtidorli talabalarni aniqlash, shuningdek, maʼlum bir mavzu boʼyicha talabalar oʼrtasida oʼquv, bilim va tadqiqot faoliyatini jadallashtirish maqsadiga yoʼnaltirilgan.
Moliyaviy xavfsizlik boʼyicha Xalqaro olimpiadaning yakuniy bosqichi 2022 yil 10 - 14 oktyabrь kunlari Sochi shahrida (Rossiya Federatsiyasi) boʼlib oʼtishi rejalashtirilgan.