Bugun, 23 aprel kuni kiberxavfsizlik masalalari boʻyicha dunyoda yetakchi hisoblangan Trend Micro Incorporated (TYO: 4704; TSE: 4704) kompaniyasi Toshkent shahridagi INXA Universitetida Security Trends Central Asia 2019 nomi ostida konferensiya oʻtkazdi. Kompaniya mutaxassislari korxona va tashkilotlarda kiberhimoyaning zamonaviy usul va yoʻllari haqida toʻxtalib, sohaning muammolari xususida soʻz yuritishdi.
Tadbir davomida “Texnik koʻmaklashish markazi” Davlat unitar korxonasining yetakchi mutaxassisi Saidakbar Sodiqov “Internet tarmogʻida milliy segmentining xavfsizligini taʼminlash” mavzusidagi taqdimoti bilan ishtirok etdi.
Ushbu konferensiya bu kabi tadbirlarning birinchilaridan boʻlib, bunday forumlar har yili oʻtkazilishiga zamin yaratadi va davlat tashkilotlari, tijorat kompaniyalari oʻrtasida kiberhavfsizlik masalalarini muhokama qilish uchun munozarasi platformasi boʻlib xizmat qiladi.
